Парасат жолы орталығы
Парасаттылық – адам бойындағы кісілік қасиет.
Қазақстан Республикасы Сыбайлас жемқорлыққа қарсы іс- қимыл Агенттігінің және Қазақстан Республикасы Мәдениет және спорт министрлігінің қолдауымен «Парасат жолы» орталығында «Парасаттылық- адам бойындағы кісілік қасиет» атты кездесу сұхбат болды. Кездесуге «Парасат жолы» орталығының мүшелері, Сәтбаев қаласының құрметті азаматы, ақын Мұса Тілеуов, өлкелік белгілі ақын Жақсылық Омаров, «Шындық» қорының төрағасы Абдолла Дастанов ағаларымыз қатысты. Сұхбат барысында адалдық жолында, әділеттілік жолында жасалып жатқан игі істер жайлы айтылды. Алдағы уақытта орталықта жасалатын жұмыстар жайлы сөз қозғалды.
« Парасат жолы» орталығының мақсаты - адалдық пен парасаттылықты, ізгілік пен әділдікті дәріптеп, сыбайлас жемқорлыққа қарсы мәдениеттің мәнін түсіндіру болып табылады.
Орталықтың кітапхана қабырғасынан ашуылуы мәдениет, әдебиет және руханиятты негізге ала отырып, келелі әңгімелер арқылы қоғамда парасаттылық идеологиясын қалыптастыруға ерекше көңіл бөлу, сонымен қоса ғылыми және шығармашыл зиялы қауым өкілдерімен бірлесіп, қоғамдағы парасаттылық идеологиясын ілгерілету, адалдық, парасаттылық, ізгілік, даналық, әділдік, қамқорлық, қайырымдылық, сыбайлас жемқорлыққа қарсы мәдениетті қалыптастыруға үндеу.
Парасаттылық – адам бойындағы кісілік қасиет.
Қазақстан Республикасы Сыбайлас жемқорлыққа қарсы іс- қимыл Агенттігінің және Қазақстан Республикасы Мәдениет және спорт министрлігінің қолдауымен еліміздің түкпір- түкпірінен «Парасат жолы» орталығы ашылып жатыр.Сәтбаев қаласының орталық кітапханасында орталық өз жұмысын бастады. Орталықтың ашылу салтанатына Сәтбаев қаласының құрметті азаматы, ақын Мұса Тілеуов, өлкеміздің белгілі ақыны Жақсылық Омаров, «Шындық» қоғамдық бірлестігінің төрағасы, «Вечерний Сатпаев» газетінің бас редакторы Абдолла Дастанов ағаларымыз қатысты. Мағыналы әңгімелерімен жүйелі сұхбат қалыптастыра алды. Сұхбат барысында адалдық жолында, әділеттілік жолында жасалып жатқан игі істер жайлы айтылды. Алдағы уақытта орталықта жасалатын жұмыстар жайлы сөз қозғалды. Ауқымды жобаға өз үлестерін қосуға ниет танытқан іс-шараға қатысушылар «Парасат жолы» орталығының игі бастамалар мен жарқын істердің ұйытқысы болатынына сенім білдірді. «Ұяда не көрсең, ұшқанда соны ілесің» деген аталы сөзді атамыз бекер айтпаған. Әр адам мемлекеттік заңдарды құрметтеп, ата – бабамыздың тәжірибесін үнемі назарда ұстап отыруы тиіс. «Парасат жолы» орталығының ашылу мақсаты да болашақ ұрпағымыздың адал, әділ жолда еңбек етіп, халқының қамын ойлаған азамат етіп қалыптастыру. Орталықтың алға қойған жоспарлары ауқымды. Айта кетсек, алдағы уақытта жағдайы төмен отбасыларға көмек қолы созылып, жастарды еңбекқорлыққа, жомарттыққа тәрбиелеу жұмыстары жүргізілетін болады.
Әл-Фараби өз сөзінде «Бақыттың мәні – парасаттылықта, әркімнің өз алдына игілікті мақсат қоя білуінде, ол мақсатпен кездейсоқ рақат үшін емес, адамның өз мінез-құлқын, іс-әрекетін ерікті түрде өзгертіп, ізгілікке бағыттап отыруында» деп парасаттылық қасиетінің мағынасын ашып айтқан болатын.
Парасаттылық сана сезімі қазіргі таңдағы өскелең ұрпақпен бірге барлық адамзаттың бойында міндетті қолданылатын қасиеттердің бірі болуы керек.